بلدة غبيش
السلام عليكم
رحنا على بلد مختارها اسمه غبيش هدفنا نلقط رزق ونجيب عيش فجأه بلحظة غضب وبلحظات طيش بتقوم تقدح معركه والناس جيش شي مسلح ببلطات شي حامل كريش ونسوان بزق الجمش بكياس خيش اللي اكل بلطه زعيقه للرميش واللي ملقح بين موت وبين عيش والناس مختلفين مش معروف ليش وبدك حدا تتسأله الموضوع ايش اتضح انه اثنين من اهل البلد عالطاوله اختلفه على لعبة الشيش بيش |
جميلة وهادفه اخي .
|
حبيب قلبي
كيفك يا غالي |
حكايتنا الثانيه.....القصار
. قصار بتعب وبشقى من الهم شاخ . غاطس بمجبل طين نازل طيخ طاخ . وفي البيت مرته بتوكل فراخ..داير هالمكيف..وبأحلى مناخ . بيرجع عبيته منهنه من الشمس داخ . مثل الجمل من هلكته عالارض ناخ . وقبل ميقول آخ من التعب . بتسبقه هيه وبتقول آخ |
اخي المحترم كان يا مكان بصراحة ابيات راقت لي حسيت فيها شجن وعطاء وغيرها وكانها تحمل شفرات لم استطع فهمها او اني تفاهمت شيئا منها ولا استطيع التعبير عنه
.... تحياتي |
بارك الله فيك على التعابير الحلوه
دمت برعاية الرحمان اخي الغالي |
حكايتنا الثالثه...3 من 1000
القيصريه... دخلت مره تخلف قبل اوقاتها وبالقيصريه استخرجوا بنياتها . وبعد الولاده قطبوا جروحاتها وقعدت ثلاث ايام مع أناتها . ويتجمعوا خياتها وخالاتها وتحلفلهم وتقلهم بحياتها . بتسمع موسيقى من البطن رناتها نفس اللحن نفس الموسيقى ذاتها . ويتعجبوا بهداسا من حكاياتها وقالوا الاشعه بتكتشف كذباتها . اتبين انو الحق معها بهالحكي الدكتور ناسي الخليوي جواتها |
بحكيلكو حكايات من المفكره
استلهمتها بساعات الصباح الباكره . ساعة ما الشيطان جاني عهيأة مره وقللي بأمرك يا زعيم المختره . شو مطلبك خمره.سمره.عيون مدوره قلتله اخرس وارجع خطوه للوراه . طلبت الجنه. قال ابوابها مسكره اذا بدك جهنم..هاي دربها ميسره . قلتللو عندي اشاره مشفره دلني على حلها وبنقتسم هالجوهره . وبعده لهلأ ما رجعلي هاللعين وكل ما اتلفن له بلاقي الخط.لو زمين. |
اعتذار
اضطررت للخروج مسرعا وانا اكتب الشطر الاخير. فاذا كان يتنافى مع قوانين المنتدى الرجاء شطبه...لو زمين معناها الخط خارج نطاق التغطيه. |
ابيات وحكايات فى منتهى روعة
سلمت يداك بانتظار جديدك يامبدع |
بارك الله فيكي
وبارك بك اشكرك على التشجيع والمرور العطر الحكايه التاليه عن الرجيم والشفط فاذا كنت من السمينات لن انزلها..حفاضا على مشاعرك بانتظار الرد |
اسمع يا جمهوري الكريم المعتبر
خذلك هالحكايه اسمعلك هالخبر . نسوان آخر هالزمان وعلى كبر صاروا دييتا يعملوا ع المختبر . مرات بالاعشاب مره عالابر ريتوا يموت اللي اخترعها وينقبر . كثر الرياضه والمشي وقلة اكل ببطل على النسوان في نتفة هبر |
تسلم يا غالي
|
تشرفت بتواحدك يا غالي.....
|
الساعة الآن 02:14 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir